Advertisement

مطعم روزيلا في البحرين

 

مطعم روزيلا

مطعم روزيلا

 عنوان مطعم روزيلا في البحرين

الحد على شارع اللولو يم مركز دار الشفاء الطبي

 رقم هاتف مطعم روزيلا في البحرين

Chicken fiesta lime 3.900 BD
عبارة عن شريحتين دياي مقليين ومغرقين

بنوعين جيز ، وفي السايد جيز صوص 👌🏻
.
الحلو في هالطبق اللغاويص ، الجبن على الصوص

على الدياي ، و الكمية ماشاءالله ممتازة يعني باختصار قوي 👏🏻
.

روزيلا في الحد بالقرب من لولو هايبر

ماركت و مركز دار الشفاء الطبي عالشارع العام
.
Fries tornado
عبارة عن فرايز مغرق بالصوص ونوعين جبن ومعاه هالبينو
.
الطعم من ألذ ما يمكن ،، تعرفووون شقد احب هالاشيا الصحية 🌚😂
السعر: 2.500 دينار

روزيلا مطعم يقدم انواع مختلفة من الاطباق العالمية،

والمحل يخدم منطقة المحرق عموماً و الحد خصوصاً

👌🏻 ومن خلال تجربتي لمجموعة من الاطباق اقدر

اقول انه مكان ممتاز من ناحية الطعم والكمية مقارنتاً بالسعر 👏🏻
.
في البداية بتكلم عن السوشي اللذيذ الي يقدمونه

، طبعاً ما عندهم شي مو مستوي ، كل السوشي

مطبوخ ، فجربت 4 انواع وكل واحد يتميز بشي بس الي اخترته لكم اهوا:
‏Dragon Roll
عبارة عن ربيان وقباقب ( مطبوخين )

، ومعاهم افوكادو وجبن سلطة القباقب
.
من حيث الطعم حسيته قوي مع الصوص ، والمكونات

متناسقه مع بعضها و الكمية والتقديم حلوين 😍👏🏻
.
السعر: 3.900 دينار

‏Grilled Salmon with chimichuri sauce
اذا بتاخذون السالمون تقدرون تختارون صوص الليمون

والزبدة او صوص الجيميجوري او انواع ثانية

، و انا اخترت الجيميجوري صوص وفي السايد بطاطس و خضرة مفيوحة
.
مثل ما خبرتكم قبل ،، اهم شي عندي يكون السالمون

فريش ومو زفر ، و هالطبق حقق هالشرط 👏🏻 وننتقل

للصوص الي حسيته جداً مناسب للسالمون

و اهوا الجيميجوري ،، لانه فيه حموضة الليمون و شوية فلفل 😍🔥
السعر: 5.400 دينار
.

روزيلا

روزيلا

هذي ثاني تغطية لي في روزيلا ، وهالمرة خذت اطباق

ثانية عشان اعرضها لكم بالتفصيل 👌🏻
.
مثل ما ذكرت قبل ان روزيلا ما عندهم سوشي مو مستوي

، كل السوشي مطبوخ ، واليوم اخترت لكم:
‏Crazy Rolls
عبارة عن ربيان تمبورا ، خيار ، ونوعين صوص
.
حبيت فيه انه خفيف و ما يغث ، و الصوصين المستخدمين

مناسبين للربيان ،، وسعره ماشاءالله حلو 👏🏻
.
السعر: 2.900 دينار

روزيلا بالبحرين

روزيلا بالبحرين

لين تختارون اللامب جوبس او الريش في روزيلا

، تقدرون تختارون معاها اي نوع صوص من اللستة عندهم ، و انا اخترت الجيميجوري صوص
.
قطع اللحم ماشاءالله ممتازة وحجمها كبير و مافيها شحم

، و صوص الجيميجوري يتميز بحموضة الليمون مع لسعة الفلفل 😍🔥
.
السعر: 4.200 دينار

عبارة عن جكن راب مع فلفل بارد احمر واخضر

و ويقدم مع ٢ سايدز الي اهما الكوسلو والفرايز
.
اكثر شي حبيته في الراب انه جوسي مو ناشف ، والحجم

ماشاءالله كبير ويشبع ، و طعمه لذيذ و طبعاً خبزة

الراب الي تتميز انها خفيفة وتبين طعم الي داخلها 👏🏻👏🏻
.
السعر: 2.000 دينار

Advertisement