.
اغلب مرتادي دبي مول يعرفون مطعم ميلس ، المطعم مشهور بأطباقه الاماراتية و العربية المقدمة بطريقة مميزة و مبتكرة .. مطعم ميلس فتح فرع جديد فوق بس ما سموه بنفس الاسم .. حاليا المطعم بدون اسم و عاملين مسابقة للي بيخمن اسمه (ادخلوا حساب المطعم و اشتركوا اذا حابين)..
.
.
بحط لكم بالترتيب الاطباق اللي جربناها (اسحبوا الصور لليسار)
.
.
تكون لحم او دجاج ، طلبناها باللحم و كانت لذيذة.
.
طبق مقبلات: تيمبورا ربيان ، كانت جيدة طعم الصوص السويت طاغية اكثر.
.
طبق مقبلات: نسيت اسمه بس هو نفس الباني بوري او الداي بوري اللي
يكون عبارة عن كرة مقرمشة و محشية بأشياء مثل حمص و روب و بصل
و عليه صوصات حارة على سويت على حامضة .. عجبتنا..
.
طبق رئيسي: ماكروني اند چيز ، عبارة عن مكرونة و اجبان و ربيان
مخبوزة في الفرن .. لذييذة اكثر طبق عجبني ..
.
طبق رئيسي: ريزوتو سيفود ، ريزوتو بالزعفران و السيفود ..
بعد وايد عجبنا لذيذ و انصحكم فيه مافيه زفرة ابدا ..
.
طبق رئيسي: برياني سيفود : لذيذ و سبايسي ..
.
طبق رئيسي: سكندر لحم ، نفس مكونات السكندر التركي خبز و لحم
و روب و عيش بس اخترنا بطاطا بدال العيش ..كان جيد ..
.
طبق رئيسي: ريش لحم ، لذيذة
.
.
مكانهم حلو و عندهم طاولات خارجية مطلة على النافورة من الطرف
، خدمتهم ممتازة و الستاف يعرفون عن الاطباق و مكوناتها يعني اذا
سألتوهم عن شي معين بيعرفون يجاوبون .. أسعارهم زينة ..
ــــــــــــــــــــــــــــــــــــــــــــــــ
