الأسم : مطعم بزار| Bazar Restaurant
أوقات العمل : ٨:٠٠ص–٧:٠٠م
التصنيف : عائلات | افراد
النوع : مطعم امراتى
الاسعار : متوسطة
الاطفال : يوجد
البارتشن : يوجد
الموسيقى :يوجد
مطعم بزار بدبي
عنوان مطعم بزار في دبي
31 شارع الصفا – دبي – الإمارات العربية المتحدة
رقم هاتف مطعم بزار في دبي
+971 4 342 1344
اضغط لمشاهده الخريطه
لزياره صفحه الانستجرام
كنت قريبة من الحديقة الرياضية اليوم، و قلت اتريق في مطعم بزار بما انه وايدين
مدحولي اياه .. و مثل ما هو مبين في الصور بخبركم برايي
بالاطباق: .
– براتا و بيض .. البورشن كان وايد زين لشخص او حق المشاركة لو طالبين اطباق
ثانية .. عبارة عن براتا و بيض مع خضرة و بزار .. حسيت عجبني بس غالب
عليه طعم الجرفة وايد بارز.
– اللقيمات: عندهم وايد نكهات بالكاكاو و غيره، بس احنا خذنا
الكلاسك و كان لذيذ وايد عجبنا.
– فول مدمس.. زين بس حسيته عادي جدا نفس المعلب الجاهز ..
– الكرك جيد بعد .
-خبز الخمير .. يت مع طلب الفول خبزة وحدة و من كثر ما عجبني
طلبت وحدة بعد .. ترفة و لذيذة.
.
الاسعار ممتازة جدا و معقولة وايد اشكركم على هالاسعار .. و الخدمة
ممتازة ايضا .. ان شاء الله برد اجرب العشا بعد لانه وايدين مدحولي اطباق ثانية .
ــــــــــــــــــــــــــــــــــــــــ
التقرير الاول للمتابعين
مكاني المفضل. أحب النادلات والطهاة وأمين
الصندوق … هل ذكرت أنني أحب الطعام !!!
ـــــــــــــــــــــــــــــــــــــــــ
التقرير الثانى للمتابعين
مطعم جميل مع أطلاله جميله في حديقة الرياضه في عجمان وكله لذيذ
وعن تجربه وبالعافيه عليكم ونصحكم فيه وبقوه
ــــــــــــــــــــــــــــــــــــــــــــــــ
التقرير الثالث للمتابعين
المطعم بشكل عام أكله لذيذ وبالأخص والستاف اللي فيه فرندلي
وخدومين.. من تاريخ 20 نوفمبر بيفتح المطعم للريوق
ـــــــــــــــــــــــــــــــــــــــــــــــ