no comments

مطعم بهارات في البحرين

الاسم : مطعم بهارات /Spices

اوقات العمل :12:٠٠ص–٣:٣٠م

التصنيف :عائلات / وافراد

النوع : مطعم  هندي

الاسعار : متواسطه

الاطفال : يوجد

البارتشن: لايوجد

الموسيقى : لايوجد

 

مطعم بهارات

مطعم بهارات بالبحرين

عنوان مطعم بهارات فى البحرين

 فندق الماريديان في مجمع السيتي سنتر

رقم هاتف مطعم بهارات فى البحرين

+973 3569 5353 

اضغط هنا لخرائط جوجل

منيومطعم بهارات في البحرين

منيو بهارات

منيو بهارات

رحت لهم اليوم لان عندهم فرايدي برانش

اللي اهو بوفيه يبدأ من الساعه 12 ونص الى الساعة اربع العصرمكان

المطعم حلو وراقي وفي فرقة تعزف وتغني لك انغام الموسيقى

وانت تستمتع بالاكل بس كانت مشكلته

الوحيده ريحة الاكل لان اغلبه يطبخونه جدامك

الصرااحة من الذ البوفيهات اللي جربتها اكلهم واايد كان لذيذ ومتنوع من عدة نواحي

عندك في جهة زاوية السوشي اللي يحضرها لك جدامك وعلى طلبك

وكل اكلهم صج طازج من الذ وجبات السوشي اللي كلتهم ..

وعندك زاوية الأكل الهندي عندهم مجموعة متنوعة

من الاكل الهندي اللي يسوونه لك جدامك كان حلو ولذيذ..

وطبعا في الزاوية الثالثة الباستا الايطالية اللي

تختار مكوناتها ويسويها لك على ذووقك وجدا جدا لذيذة

طبعا عندهم مجموعة من السي فود اللي تقدر تختارهم ويشوونهم لك عالفحم

مثل : ربيان ، ام الربيان جدا صغيرة ، كاري فش جدا صغيرة ، صقووع (محار) ، هاموور مشوي

 وفى اطباق رئيسية وايد متنوعة لمحبي اللحم والدجاج والسي فوود

طبعا الشوربة كان في منها نوعين نوع خضار ونوع الثاني شوربة طماط و ماجربتهم

لان كنت استمتع بالوجبات الرئيسية ههههههه ???????? زاوية الحلويات

ما اقدر أعبر عنها لان فيها مالذ وطاب وتعبت

وانا اججرب وما قدرنا نخلص كلشي ههههههههههههه

بس مشكلته انه كان اكثره جوكلت يمكن

لانه هاذي فترة عيد الفصح (مال كفار ????????)

بالنسبة لهم فتلاحظ وايد حاطين

من الجوكلت اللي على شكل بيض..

بس طبعا قبل لا تطلع لازم تتسبح بنافورة

االجوكلت الفوندو مع الفواكه والمارشملو

اللي صج كانت كبيرة وشكلها عجيب ???? الخدمه كانت وايد محترمه …

الويترز وايد فرندلي و ينشبون لك الأكل لو جافوك متوهق شنو تختار ????

واحد فيهم يقولنا “خذوا جربوا كل شي تراكم دافعين دافعين ????”

مشكلة البرانش الوحيده انه ماكو مكان عود حق

يلعبون اليهال بس حاطين بيت نقاز برع عن الازعاج

تجربه حلوه في مطعم بهارات ننصحكم فيها

مطعم بهارات في البحرين

=================================
||| الطلب: اثنين فرايداي برانش بوفييه
التقييم:- البوفييه 9.5/10 ..
الخدمة:9/10
المكان:8.5/10
السعر الكلي لشخصين شامل الضرائب والمشروبات : 40 دينار

تقييم مطعم بهارات في البحرين

 8.5/10

افضل مطاعم البحرين