Advertisement

شعر عن الحزن

شعر عن الحزن

شعر عن الحزن

من يفقد أعصابه على أدناه ما جاه

تأكد أن نفسه حزينة مكتومة

لا تسأل اللي منغبن عن نواياه

قدر ظروفه و إن زعل لا تلومه

و لا تحرجه و لا تحده عن أقصاه

Advertisement

و لا تجرحه و لا تفرح خصومه

واضح ولا يحتاج فترة و تقرأه

جالس و نظراته تقول محرومة

قلبه جريح و خانه الوقت و أعيان

بتهاجمه أجل تحمل هجومه

لا تقول وش علمه و لا تتبع خطأه

ادخل وسط قلبه و تعرف علومه

تجيه رايق وانت تجهل خفاياه

و تشين اخلاقه و تنبش همومه

يا خوي من صمته تبان المعاناه

يمكن لو لحاله يشقق همومه

هذا يقضي ليلته في المحاكاة

يوم انت مديها بسبعين نومة

ارقد ترى التهميش و المعاناة

بالشخص كأنك بايعه باي سومه

تراها مستوية معه جاه من جاه

شجاع لكن طايحتن عزومة

هذا قبل لو تعرفه ما تعداه

من طيب رأسه من جمايل سلومه

شوفو زمان المهزلة وين وداه

وداه للوحدة و غيب نجومه

آليا نطق في قلبك تقول عزاه

ما هو على بعضه و لا هو بيومه

يضحك دقيقة و إن ذكر جور دنياه

يسرح مع أوجاعه برفقة حلو من

يرجع يفكر في نصيبه و بلواه

تقول طير عاد من عقب حومه

يا صاحبي لا تنشده عن سواياه

ماضي حزين وبيناتن ارسومه

إن ما قدرت بوقفتك تمسح بكاه

طالبك طلبه لا تنبش علومه

ارفع ايدينك واترك الأمر لله

أبيك تدعيله بنفس رحيمه

 

Advertisement